Ka ishi-taht
Katshissinuaimatsheht mak katshishkutamatsheht
Stéphane Bellavance
Katshishkutamatshet – Auen tshetshi minu-utinitishut
Stéphane Bellavance eukuan kamatuet, ka pimipanitat netshishkatunannut mak nikan pikunu ka uapatak tshe ishi-pimutenannut ka minu-nishtuapamakanit ute Uepishtikueiau-assit. Katshi neupipuna tshishkutamuakanit anite Katshishkutamatunannut kamataupikutakanit ute aishinakuak assi, ekue pitutepanit anite katshitapatakannit VRAC TV ka ishinikatenit, anite mitshetuau ka uapamakanit Réal-It et Réal-tv ka ishinikatenit, ka mishta-mishkutshipanit, Le Steph show mak anite KARV l’anti-gala ka ishinikatenit. Anutshish, tshipa tshi nashauakanu Stéphane anite Arrange-toi avec ça ! ka ishinikatenit mak anite VRAK eshi-uitakannit, mak anite kauitshi-atussemat auennua anite nenu metueun-kukuetshitshemunnu eshinikatenit Génial, anite Télé-Québec, mak anite ussi-tshekuannu pemipanitakannit anite eshakumitshishikua Par ci eshinikatenit anite Radio-Canada napik pemipanitakanit. Tshe pipunnit, eukuannu nishuau tshe uitshi-atussemat Peneloppe McQuade anite ne Jutra ka ishinikatet.
Kassinu aishi-atusseu mak tshitshue minuatamu utatusseun, iapit anite uauitshiaushiu anite mietuenannut, pamishkau niatshi-patshitinakannit aimunnu, tshishkutamatsheunnu, kanatutakannit, nanikutini pietakushit anite CKOI eshinikatenit kanatutakannit mak eshinakuannit utatusseun pemutauat utaimunnu nenu Fondation Québec Jeunes. Anite e takuashit eukuan napeu ka mishta-atusset.
France D’Amour
Katshishkutamatshet – Anite e mashinaitshet mak e tutak umashinaikana
France D’Amour eukuan uin ka unuipanitat-ka tutak-kie ka pimutat nikamuna ute Uepishtikueiau-assit. Anite nitautshipan Mont-Rolland ashit uikanishat nenua ka kanuenimikut, ushima peiku ishkuessa mak nishu napessa. Kautamapekaikan uet mishta-auassiut metuatsheu, kuetunnuepipuneshit ashu neu (14) eukuannu utauia atamishkakut ushkat kautamapekaikannit. Meshta-minutak kautamapekaikannit mietuatsheniti Ricky Lee Jones mak Joni Mitchell (katauapekaitsheshiht ka mishta-akuatenimat nenu ishpish pikutaniti kautamapekaikannit mak e tutaminiti nikamunnu), France D’Amour ekue itenitak kie uin tshe tauapekaitshet peiku tshishikunnu, kie tshe tutak uin uetshit unikamuna. Kie tshi tutamupan, uesh utinakanipan tshetshi tutuat utekanepema pipunnu 1991.
Shaputue mishta-minuatakanu ute Uepishtikueiau-assit katshi unuipaniat utekanepema ka mishetshishiniti Animal ka ishi-uinakannit anite pipunnu 1992. Kutaka iapit tshe unuipaniat Déchainée, Le silence des roses, Nomade, France D’Amour, Hors de tout doute, Les Autres, Le Présent, Bubble Bath mak Champagne mak kutunnu uet taniti , En love majeur eshi-uinakannit.
Charles Bender
Katshishkutamatshet – Ka minunakuak e tutakanit kamatau-pikutakanit
Charles Bender, Huron-innu anite ut Wendake. Ishi-tshishkutamatishupan tshe aitit anite kamatau-pikutakannit Kamishta-tshishkutamatunannut Concordia. Katshi katshitinat ukanima, tshi mitshetuait atussepan anite kamatau-pikutakannit, katshitapatakannit mak anite mushe kamatau-pikutakannit mishtikushiu-aimunit kie akaneshau-aimunit. Uitamuatau iapit ka pamishkat ashit nenu eshinikatenit Le Geordie Theatre, auassat mak kaiuassiuht ka ut tutakannit anite akaneshau-katshishkutamatunanut Uepishtikueiau-assit, ka ishi-minakanit ka pamishkat tshetshi uapatak innu-assia Cri-innua, Mig’ mag-innua mak mohawk-innua ute Uepishtikueiau-assit. Iapit tepan anite mitshet ka unuipanitakanniti kamatau-pikutakanniti anite nenu eshinikatenit Ondinnok, atusseutshuap innu-kamatau-pikutakanit innit kie kakusseshit, ne ka unuipanit « Coontes d’un indien urbain » ka pimipanitakanit anite mishue Tshishe-mishtikushiu-assit mak anite mitshetuait innu-assia ute Uepishtikueiau-assit.
Charles kie uin nashatsheu anite mitshetuait eitinannut miam uin tshetshi pimipanitat kie ma ashu-uitamatshet. Uin pimipanitau kamishta-metuenannut innit. Charles uauitshiaushipan/tshetshi uetshiunanut ashit nenua atusseutshuapa miam ue e uinakanit CSSSPNQL (Commission de la santé et des services sociaux des Premières Nations du Québec et du Labrador) Mamuitun ka ut tshitapatakanit minuinniun mak uauitshitun
Ushkat Innuat ute Uepishtikueiau-assit mak Akamississit, FAQ (Femmes autochtones du Québec) Innushkueuat Uepishtikueiau-assit kie ma AJPNQL (Assemblée des jeunes des Premières Nations du Québec et du Labrador) Mamuitun kaiuassiuht Ushkat innuat ute Uepishtikueiau-assit mak Akamississit. Iapit uin pimipanitau anite katshitapatakannit ka ishinikatenit « C’est parti mon tipi ! »
David Gill
Katshishkutamatshet e sheshauinannut
David anite Mashteuiatsh ut inniu. Nakatamupan utinnu-assi kuetunnuepipuneshit ashu nishuasht (17) tshetshi tshishkutamuakanit anite Uepishtikueiat. At ut tshi mitshet metueuna nashak ka auassiut, uipat katshi takushinit anite Kamishta-tshishkutamatunannut Laval ekue mishta-shapenitak tshetshi nenua nipin-metueuna. Kassinu tshekuannu apashtapan etinamuakanit tshetshi aiat pikutat nenua metueuna niashak. Uapatiniuepan ishpish tapuetatishut tshetshi utitaik nenu ua utitaik. Iapit itutepan anite Kamishta-metuenannut Pékin-assit 2008 pipunnu.
Marylène Cousineau
Katshishkutamatshet nikamunnu
Kamashinaitshesht, ka tutak mashinaikannu, kanikamusht mak katshishkutamatshesht, mashkatenitakuannu tapue Marylène Cousineau ishpish nashak aishi-tauapekaitshenanut.
Nenu ishpish minuenitakushit mak uanasse ka nashuakanit, ishpish minu-katshitinak tshe ishi-metuatshet tauapekaikannuishpish minu-katshitinak tshe ishi-metuatshet tauapekaikannu nukushu ishpish kanuenimikut kie eukuannu nenu ka tutakut tshetshi utinakanit tshetshi tshissinutaiat mak tshetshi pessish nashuat kanikamushiniti tauapekaikannu ka mishta-shatshitaniti. Shash tshi tshissinutaieu Jeunes de choeur (mamu kanikamushiniti)Shash tshi tshissinutaieu Jeunes de choeur (mamu kanikamushiniti), mamu kanikamushiniti tshishennua.
Ka akuateuepitakanit nuash ne ashineu-aimuna e nikamunanut, panitakuat ka iteueitsheht nuash nekaupuai-iteueitshenanut, Marylène pikutau tshetshi metuatshet mak uanasse tshi amassepanitau mak tshi ashtau eshi-pikutat tshetshi uapatinuet mak tshetshi minuatakannit tiauapekaitshenannut e mishta-uenutishimakannit, e katshitaitshemakannit mak tshetshi kanuenitamumakannit anite etshipannit.
Samian
Pikogan utshipanu, ka apishashit innu-assi anite aishinakuak assi Abitibi-Témiscamingue, Samian katshitshipiteu auennua eka e shakuenimut tshetshi nukuitishut tanite uetshipanit; ashit kassinu innu, netuenitak ishpitenitamunnu mak tshetshi nishtuapamakanit. Katshi nishu (2) tekanepa tshishiat, Samian anutshish tshissinuapamiku kaiuassiuniti, tshitshue utaimunnu iapashtaniti, aiteuetshenannut anutshish miamupanitanit ashit nenua Algonquin-innua etueniti mak innu-teueikana.
Uetinak kamishta-metuenannut ishkutenu, ka pimutat anite kassinu meshkanaua Pikogan, utinnu-assit, anite ne pipun 2010 ekute ka mishta-uinakanit kanikamusht, nekamuti miam eimit eituet. Ka mishta-aitit anite ne Kamishta-metuenanut Vancouver, mitshetuau ka nikamut anite Finlande-assit, Tshishe-mishtikushiu-assit, Chine-assit mak Indonésie-assit, ka unuipaniat nishu uet taniti utekanepema, Face à la musique eshinikatakanniti, ka mishta-pimipanniti anite kanatutakannit, ka itutet anite Festival international kamashinaitshenanut e uitakanit Berlin-assit, ka kanieut Révélation Radio-Canada Musique Ka nishtuapamakanit Kanatutakanit Kanata. Mishue eshpitashkamikat nishtuapatakannu Samiam eshi-pikutat.
Kianieut Félix utekanepema Hip-hop eshi-uinakanniti, mak uanakanit anite itetshe Kamashinaitshesht kie ma ka tutak mashinaikan anite ne pipun Gala de l’ADISQ 2011, iapit e uitakanit anite ne Gala Aboriginal Peoples Choice Musc Awards, anite nishtuait ka unuipannit utishinikashun, Samiam mekuat atusseshtueu nishtu tshe ut tanit utekanepema, tshe unuipaniat takuatshinniti 2014.
Ka uauitshiaushiht
Malcolm
- Etatupipuneshit : 25 ans
- Eshinniut : Innu
- Uin etenitakushit: E uauinitishut auen, e minuatikupanit mak nikan e tshitutet.
Malcolm Riverin eukuan uin ka unuipanitat-katutak unikamuna mak nikamuat kutaka auennua unikamunnu anite Pessamit. Uet auassiut metenitak menuatak tauapekaikannu. Ekue tauapekaitshet kautamapekaikannit, ekue mitshetuait ishi-unuipanitat aiteuaitshenannut, pop nuash anite rap eshinikatenit mak ne le rock ka ishi-uitakanit. Minuatamu e tutak ashineu-aimunnissa kie uin uetshit tutamu umashinaikan e mishta-katshitauenit. Tshipa minuenitamu tshetshi anite tauapekaikanit atusset mak uin tshetshi atusseshtatishut, ne Rythme ka-ishinikateua eukuan tshetshi peshuapatak nenu eshi-pakushenitak tshetshi minu-utinamaiat mak tshetshi pikutat tshetshi uitshi-atussemat kutaka kanikamushiniti.
Matthew
- Etatupipuneshit : 28
- Eshinniut : Innu
- Uin etenitakushit: Akua aitu, minuatamu anite mamu etanannut, mak minu-nashamu tshekuannu eshi-natuenitamuakanit
Matthew mishta-atussepan anite nekamunannut miam atusseuakana tshetshi tshitapatak. Miam eka tshekuan, ekue utinak kautamapekaikannit anite nashunnuepipuneshit, ekue tshitshipanit e nikamut uin uetshit e tshishkutamatishut. Ne katauapekaitshesht uin ka pimutaitishut Mani-utenam uetshipanit, peikussinua utanisha, eukuan ka minuatak inniunnu, pikutau tshetshi uaushinatishut mak minuatamu tshetshi uitshi-atussemat kutaka auennua tshetshi mishkutunamatshet eshi-pikutat, tshetshi tshishkutamatishut mak tshetshi matinuet.
Ivan
- Etatupipuneshit: 17
- Eshinniut: Atikameku
- Uin etenitakushit : Metinu aitu, peiku-aitutatishu, nussiteieu
Ivan eukuan anu uet auassiut anite etashinannut, mitshetuait ishi-tauapekaitsheu. Manawan utshipanu, muku anite apu Obedjiwan. Tiauapekaitsheti, taship tshissitutueu ushima napessa e massiniti mak tshe eka nita tshi tauapekaitsheniti. Ivan nekamuti, minu-patshitinitishu mak minu-unuipanitau kassinu etamatshiut. Tshipa minuenitamu tshetshi shakutat ushakuenimun tshetshi nikamut nenua kassinu ka tutak unikamuna anite mamu ka tanannut.
Nicolas
- Etatupipuneshit : 25
- Eshinniut : Inuit
- Uin etenitakushit: Katshitishiu, natutueu auennua
Nicolas anite utshipanu Akulivik anite Nunavik-assinu. Kuetunnuepipuneshit ashu neu, utauia atamishkaku kautamapekaikannit. Ekute uet tshitshipannit pekushenitak tshetshi kanikamushiut. Eukuan katauapekaitshesht kassinu aishinakuanniti tauapekaikana menuatak. Kamishanit kautamapekaikannit minuatamu tshetshi tauapekaitshet, teueikana, tshishe-tauapekaikannu mak kanapua kautamapekaikannit banjo ka ishinikatenit. Shash mitshet nikamuna kanuenitamu, rock-alternatif eshi-uitakanniti. At nenu ishpish minu-kanuenitashut, anu ui katshitinamu mak aiat tshetshi pikutat nenu eshi-kanuenitashut, eukuannu nenu uet tat ute anutshish.
Betty
- Etatupipuneshit: 20
- Eshinniut: Innu
- Uin etenitakushit: Minuenitakushu, tutamu tshekuannu eshi-mishkuenitak, natutueu auennua
Betty nishupipuneshinua ukussa. Nikamueu kutaka auennua unikamunnua mak nenua eshi-minutuat etueniti miam nenua Adèle. Nekamut eukuannu meshta-uitshikut tshetshi ait tat. Mani-utenam innushkueu pakushenitamu tshetshi ishi-atusset miam e ueueshtauat auennua utashtamikunu. Ute uet tat eukuan tshetshi mitshet tshekuannu katshitinak muku ne anu e uitakanit tshetshi shutshenimitishut.
Anna-Sheila
- Etatupipuneshit : 28
- Eshinniut : Innu
- Uin etenitakushit: Uitishkueu, minuatamu etusset, patshitinitishu utatusseunit/li>
Anna-Sheila anite La Romaine apu. Uet apishissishit minuatamu e nikamut, kie aiat minuatamu anite etat kamamishishtiniti katshishkutamuakanniti, ashit ukatauapekaitsheshima uitsheuakana. Shash tshi tutamu unikamuna kie mishta-ashineiku. Ui tshishtau ute etat Rythme eshinikatenit, ui uapatinieu nenua nishtu utauassima « auen tsheh ui nashak eshi-pakushenitak ».
Alexandra
- Etatupipuneshit : 28
- Eshinniut : Innu
- Uin etenitakushit: Minuatikupanu, uaptamu nikan tshetshi minupannit, apu patshitimit
Alexandra, Uashat utshipanu, uet auassiut makuniku tauapekaikannu, miam uetakushu-mitshishunannut anite uikanisha ekute kassinu auen mamu nikamuat ashit kautamapekaikannit. Ashit nenu e minuatak tauapekaikannu, minuatamu e utapanitshet kie minuatamu kassinu tshekuannu ka pimipannit mak nenu kamatshimakannit tekuannit. Uin e tshitapamakanit ute etat, eukuan tshetshi katshitinak mak tshishkutamatishut tshe ishi-utinamat ute. E nutapit e ashuapamaushut, eukuannu menupanikut tshetshi ute tat.
Alexandre
Etatupipuneshit : 18
Eshinniut : Huron-Wendat
Uin etenitakushit: Metinu aitu, uitshi-papu, kuishku-pimuteu
Alexandre, natamiku e uinakanit « Frakass » eukuan rappeur ka ituet kie uin uetshit tutamu unikamuna mak eteueitshet. Ka uitshi-unatishit mak apu kushtak tshetshi uitak etenitak. Umashinaikana e tshitapatakanniti, ui uitamu tshekuannu auennua eka ka tshi uitaminiti. Kanikamusht Wendake uetshipanit, mishta-apatannu tshetshi mitshimishkakannit utinnu-aitun mak eukuannu uet mishta-itenitak utaimun Huronne-Wendate, shash tshekat e unitinnit.