Samian

Ka pimipanitat tshekuannu etutakanniti

Pikogan utshipanu, ka apishashit innu-assi anite aishinakuak assi Abitibi-Témiscamingue, Samian katshitshipiteu auennua eka e shakuenimut tshetshi nukuitishut tanite uetshipanit; ashit kassinu innu, netuenitak ishpitenitamunnu mak tshetshi nishtuapamakanit. Katshi nish^u (2) tekanepa tshishiat, Samian anutshish tshissinuapamiku kaiuassiuniti, tshitshue utaimunnu iapashtaniti, aiteuetshenannut anutshish miamupanitanit ashit nenua Algonquin-innua etueniti mak innu-teueikana.

Uetinak kamishta-metuenannut ishkutenu, ka pimutat anite kassinu meshkanaua Pikogan, utinnu-assit, anite ne pipun 2010 ekute ka mishta-uinakanit kanikamusht, nekamuti miam eimit eituet. Ka mishta-aitit anite ne Kamishta-metuenanut Vancouver, mitshetuau ka nikamut anite Finlande-assit, Tshishe-mishtikushiu-assit, Chine-assit mak Indonésie-assit, ka unuipaniat nish^u uet taniti utekanepema, Face à la musique eshinikatakanniti, ka mishta-pimipanniti anite kanatutakannit, ka itutet anite Festival international kamashinaitshenanut e uitakanit Berlin-assit, ka kanieut Révélation Radio-Canada Musique Ka nishtuapamakanit Kanatutakanit Kanata. Mishue eshpitashkamikat nishtuapatakannu Samiam eshi-pikutat.

Kianieut Félix utekanepema Hip-hop eshi-uinakanniti, mak uanakanit anite itetshe Kamashinaitshesht kie ma ka tutak mashinaikan anite ne pipun Gala de l’ADISQ 2011, iapit e uitakanit anite ne Gala Aboriginal Peoples Choice Musc Awards, anite nishtuait ka unuipannit utishinikashun, Samiam mekuat atusseshtueu nisht^u tshe ut tanit utekanepema, tshe unuipaniat takuatshinniti 2014.

Dany Bédar

Katshishkutamatshet nikamunnu

Dany Bédar eukuan kamashinaitshesht, ka tutak mashinaikannu mak kutak auennua unikamunnua ka nikamut anite Val D’Or, anite aishinakuak assi Abitibi. Kuetunnuepipuneshit ashu peikushteu (19), Dany nakatam^u utassi tshetshi natshi-tat anite Munianit. Mitshetuait kanikamushiht mamu ka taniti tapan, ue peik^u e uitakanit La Chicane ashit ushtesh Martin. Ashit La Chicane, uauitshiaushiu ka tutakannit umenu nikamunnu Tu m’manques, ka mishta-natutakanit anite kanatutakanit.

Anite pipun 2002, ekue peiku-nikamusht mak 7 tekanepa unuipanieu. Iapit uitshiaushiu anite ne Star Académie eshinikatenit, ka uitshi-nikamimat Marie-Mai nenu nikamunnu eshinikatenit Faire la Paix avec l’amour. Nishu uet unuipaniat ka peiku-nikamusht, Écoute-moi donc, ne l’ADISQ eshinikatet miniku ne eshi-uitakanit tshissinuatshitakan Félix de l’album pop-rock nenu pipunnu mak mishue auennua uanikut anite itetshe napeua ka nikamuat kutaka auennua unikamunnu nenu pipunnu. Anite pipun 2006, Dany minuat katshitinam^u tshissinuatshitakannu Félix ka ishinikatenit uin pekutat tshetshi nikamuat kutaka auennua unikamunnu.

Ishpish pimipanniti pipuna, mitshet nikamuna tutamu e mishta-minupanniti miam ume J’reviens chez nous, Boum Desjardins unikamunnua. Iapit tutamuepan unikamunnu Isabelle Boulay, Annie Villeveune, Marie-Chantal Toupin, Roch Voisine, Marc Dupré mak Tshishe-mishtikushiushkueu kanikamushinit Nolwenn Leroy (ka kanieunit Star Académie II anite Tshishe-mishtikushiu-assit).

Charles Bender

Katshishkutamatshet – Ka minunakuak e tutakanit kamatau-pikutakanit

Charles Bender, Huron-innu anite ut Wendake. Ishi-tshishkutamatishupan tshe aitit anite kamatau-pikutakannit Kamishta-tshishkutamatunannut Concordia. Katshi katshitinat ukanima, tshi mitshetuait atussepan anite kamatau-pikutakannit, katshitapatakannit mak anite mushe kamatau-pikutakannit mishtikushiu-aimunit kie akaneshau-aimunit. Uitamuatau iapit ka pamishkat ashit nenu eshinikatenit Le Geordie Theatre, auassat mak kaiuassiuht ka ut tutakannit anite akaneshau-katshishkutamatunanut Uepishtikueiau-assit, ka ishi-minakanit ka pamishkat tshetshi uapatak innu-assia Cri-innua, Mig’ mag-innua mak mohawk-innua ute Uepishtikueiau-assit. Iapit tepan anite mitshet ka unuipanitakanniti kamatau-pikutakanniti anite nenu eshinikatenit Ondinnok, atusseutshuap innu-kamatau-pikutakanit innit kie kakusseshit, ne ka unuipanit « Coontes d’un indien urbain » ka pimipanitakanit anite mishue Tshishe-mishtikushiu-assit mak anite mitshetuait innu-assia ute Uepishtikueiau-assit.

Charles kie uin nashatsheu anite mitshetuait eitinannut miam uin tshetshi pimipanitat kie ma ashu-uitamatshet. Uin pimipanitau kamishta-metuenannut innit. Charles uauitshiaushipan/tshetshi uetshiunanut ashit nenua atusseutshuapa miam ue e uinakanit CSSSPNQL (Commission de la santé et des services sociaux des Premières Nations du Québec et du Labrador) Mamuitun ka ut tshitapatakanit minuinniun mak uauitshitun

Ushkat Innuat ute Uepishtikueiau-assit mak Akamississit, FAQ (Femmes autochtones du Québec) Innushkueuat Uepishtikueiau-assit kie ma AJPNQL (Assemblée des jeunes des Premières Nations du Québec et du Labrador) Mamuitun kaiuassiuht Ushkat innuat ute Uepishtikueiau-assit mak Akamississit. Iapit uin pimipanitau anite katshitapatakannit ka ishinikatenit « C’est parti mon tipi ! »

Normand D’Amour

Katshishkutamatshet auen tshetshi minu-utinitishut

Nishunnuepipuna ashu patetat (25) nenu ishi-atusset, shash ishpish tutamu nishuasht tatunnu e matau-pikutakannit, nishtunnu ka nashatumakaki peikutau ka itenitakuak tipatshimuna mak nenua ka minutakuaki tipatshimuna, kutunnu ashu patetat kamatau-pikutakanniti mak mishta-mitshet atusseuna tshetshi petakuiakaniht auenitshenat.

Umenu passe ka tutak kamatau-pikutakanniti ka mishta-itenitakuaki, uauitetau umenua passe aishinikateti, Le mariage de Figaro, Le vrai monde, Le plan américain, Le Pont, La Société des loisirs, Les chemins des passes dangereuses mak ne 15 secondes, ka ut katshitinak tshetshi mishta-uinakanit anite itetshe napeua. Anite pipun 2006, ka tutak nenu Hosanna iapit uinakanipan anite nenu eshinikatenit Masque d’interprétation.

Anite e apishashit kamatau-pikutakanit e uitakanit, uemut tshika ui uitakanu ka tutak anite Laval Chevigny nenu eshinikatenit Marguerite Volant. Ekue metuepan iapit nenua kamatau-pikutakanissa eshinikateniti Emma, Caméra Café, Smash, Les Invincibles, 3 x rien, Histoires de filles, Casse-croûte chez Albert, Lance et compte – Le grand duel, 30 Vies mak anite e tshitapatakanit nish^u mak nisht^u eshpitapipuk ne kamatau-pikutakanit eshinakuak miam auen eshi-pikunikut utinniunit kie ma eshi-ushikuiakanit.

Kamatau-pikutakanit e tshitapatakanit, nukushipan anite ne eshinikatenit Mémoires affectives, Camping sauvage, Sur le seuil, Cheech, 5150 rue des Ormes, De père en flic. Ishi-metuepan auen ka uitshipet ka pikunitishut utinniunit. Tout est parfait eshinikatenit, mishta-minu-uauinakanipan. Kie katshitinamupan tshissinuatshitakannu Jutra de la Meilleure ka ishinikatenit anite itetshe napeua, e uauitshiaushit ka ishinakuannit utatusseun anite ne pipun 2009.

Anite pipun 2010, katshi mitshet tshekuannu uaupatiniuet anite Munianit aiteueitshenanut ne Le Blues d’la Métropole eshinikatenit, anite ka utshipanit Beau Dommage utatusseunit, iapit anite tepan ka unuipanitakannit nenu kamatau-pikutakannit ue ka tutak Claude Miller, Voyez comme ils dansent, mak nenua ka tutaminiti Piché : Entre ciel et terre.

David Gill

Katshishkutamatshet e sheshauinannut

David anite Mashteuiatsh ut inniu. Nakatamupan utinnu-assi kuetunnuepipuneshit ashu nishuasht (17) tshetshi tshishkutamuakanit anite Uepishtikueiat. At ut tshi mitshet metueuna nashak ka auassiut, uipat katshi takushinit anite Kamishta-tshishkutamatunannut Laval ekue mishta-shapenitak tshetshi nenua nipin-metueuna. Kassinu tshekuannu apashtapan etinamuakanit tshetshi aiat pikutat nenua metueuna niashak. Uapatiniuepan ishpish tapuetatishut tshetshi utitaik nenu ua utitaik. Iapit itutepan anite Kamishta-metuenannut Pékin-assit 2008 pipunnu.

Marylène Cousineau

Katshishkutamatshet nikamunnu

Kamashinaitshesht, ka tutak mashinaikannu, kanikamusht mak katshishkutamatshesht, mashkatenitakuannu tapue Marylène Cousineau ishpish nashak aishi-tauapekaitshenanut.

Nenu ishpish minuenitakushit mak uanasse ka nashuakanit, ishpish minu-katshitinak tshe ishi-metuatshet tauapekaikannuishpish minu-katshitinak tshe ishi-metuatshet tauapekaikannu nukushu ishpish kanuenimikut kie eukuannu nenu ka tutakut tshetshi utinakanit tshetshi tshissinutaiat mak tshetshi pessish nashuat kanikamushiniti tauapekaikannu ka mishta-shatshitaniti. Shash tshi tshissinutaieu Jeunes de choeur (mamu kanikamushiniti)Shash tshi tshissinutaieu Jeunes de choeur (mamu kanikamushiniti), mamu kanikamushiniti tshishennua.

Ka akuateuepitakanit nuash ne ashineu-aimuna e nikamunanut, panitakuat ka iteueitsheht nuash nekaupuai-iteueitshenanut, Marylène pikutau tshetshi metuatshet mak uanasse tshi amassepanitau mak tshi ashtau eshi-pikutat tshetshi uapatinuet mak tshetshi minuatakannit tiauapekaitshenannut e mishta-uenutishimakannit, e katshitaitshemakannit mak tshetshi kanuenitamumakannit anite etshipannit.

Kerry Wabanonik

• Etatupipuneshit : 26 ans
• Algonquin-innu 
• Eshi-minuatak eteueitshenannu : Hip hop

Kerry anite utshipanu Lac-Simon, anite aishinakuak Abitibi-assi. Kanikamusht miam eimit etuet, meshta-minuatak e metuatshet aimunnu ashit eiteueitshenannu. Nenu uitshiku e mashinaitshet. Minuatam^u tshetshi natu-tshissenitak mak uin uetshi tutam^u tshe eiteuepitak pemipanitat anite tekanepit uitshuat. Mak mishta-ashineiku nenua nish^u utauassima.

Alexandre O’Bomsawin

• Etatupipuneshit : 29 ans
• Abénaki-innu
• Eshi-minuatak eteueitshenannu : Ka akuateuepatakannit, mamishkut, ka tshishkueueipatakannit

Alexandre nitautshipan anite Piekuakamit ek^u anutshish anite tau Munianit. Eukuan ka ishi-nishtuapamakanit ka pikutat utatusseun ! Mitshet tauapekaikana metuatsheu mak e atusseshtaki nikamunnu, minuatam^u tshetshi kassinu tshekuannu katshitaik miam tshetshi uin tutak unikamun, tshetshi pimipanitishut anite tekanepit mak uin nutam ueuetashtau.

Mélodie Jourdain

• Etatupipuneshit : 25 ans
• Innushkueu
• Eshi-minuatak eteueitshenannu : Pop mak aiamieu-nikamuna

Mélodie anite tau innu-assit Uashat-Maliotenam. Uet kutunnuepipuneshit (10) nikamu e minuatak. Ashit e nashak nenu menuatak eiteuetshenannu, tshishi-tshishkutamuakanipan ne e uitakanit kapeshupamitunanut mak mishta-uauitshieu kaiuassiuniti anite utinnu-assit. Kanikanitet mak eka tshekuannu ka nikanikut tshekuannu ua tutaki.

Anne-Marie Gros-Louis Houle

• Etatupipuneshit : 23 ans
• Huron-Innushkueu
• Eshi-minuatak eteueitshenannu : Pop, jazz mak funk eshinikateniti

Anne-Marie anite nitautshu Îles-de-la-Madeleine. Ekute uet inniut eiteueitshenannut tshipa tshi itakanu. Anite eshkuessiut ekute tshetshipanit e natutak tauapekaikannu pop eshinikatenit mak nekamut. Mekuat tshishkutamuakanu kanikamunannut, anite tau mamu ka tauapekaitsheniti mak kassinu tshekuannu tshika tutam^u tshetshi tutak nenu eshi-minuatak.

Shaushiss Fontaine

• Etatupipuneshit : 25
• Innushkueu
• Eshi-minuatak eteueitshenannu : Tshiashi-nikamuna ka ueuetashtakaniti mak Nekaupuai-nikamuna

Uanasse ka nashuakanit Shaushiss anite Uashat-Maliotenam utshipanu. Kuetunnuepipuneshiat ashu peik^u, shash uin uetshit tutamupan unikamuna, ek^u kuetunnuepipuneshit ashu nish^u, shash nikamupan anite e tanannut ! Eukuan ka ashineuatshet utaimun, anite uetshipanit mak anu e uinakanniti utauassima meshta-uitshikut tshetshi ut tutak unikamuna.

Kessy Blacksmith

• Etatupipuneshit : 23
• Innushkueu
• Eshi-minuatak eiteueitshenannu : Metinu mak ka akuateuepatakannit

Kessy anite Mashteuiatsh inniuipan mak ekute nitautshipan. Shash kutunnuepipuna ashu patetat (15) ishpish tauapekaitshet. Umushuma Alcide Blacksmith ka ashu-minikut nenu ishpish shatshitat. Uin tutam^u unikamuna mak tauapekaitsheu kautamapekaikannit. Eukuan tshishe-napess ka mishanit utei mak minuatak minashkuat. Pakushenitam^u tshetshi taniti utishkuema, utauassima mak tshetshi ishinniut tauapekaikannu.

Marie-Soleil Bacon

• Etatupipuneshit : 21
• Innushkueu
• Eshi-minuatak eiteueitshenannu : Akaneshau-aiamieu-nikamuna

Marie-Soleil Pessamit utshiu. Uet apishissishit nikamu, apu nita ut ishi-tshishkutamuakanit. Kanuenimiku nenu eshi-pikutat kie nenu etuet… ka mash katenitakuak ! At ishpish shakuenimut, uitshishkueu mak nenu e papukuenit mishue minuenimunnu pimutau.