Mishue eshi-uapatakanit

Le Rythme eshinikatet tshishkutamueu eshi-natuenitaminiti katauapekaitsheshiniti – kanikamushiniti – ka tutaminiti nikamuna – kanikamuht kutaka auennua unikamunnu, innua ka kutunnuepipuneshiniti ashu nishuaush (18) nuash ka nishtunnuepipuneshiniti (30), tshika tshishkutamueu kassinu aishinakuannit anite katauapekaitshenannut nuash tshe itutaikuht anite tshe tshishtaht tshe uapatiniueht anite mamu ka tanannut.

Namaieu ka kuetshipashtautinanut auen eshi-pikutat eiteueitshenannu, Apu takuak anite tshetshi auen ashanakanit. Naushunakanuat anitshenat anite ka tshitshipannannu ka taht tshetshi petuakanniti. Minakanuat tshetshi tshitshipanitishuht, tshika mishta-tshishkutamuakanuat tshetshi ut uapatahk ishpish tshi ituteht mak tshetshi tutuakaniht anu kataku tshetshi ituteht e uitshikuht nenua ka nishtuapataminiti atusseunnu ne eiteueitshenanut mak minuashit tshekuan e uitakanit.

Tutakanu tshetshi ut tshitutenanut mak tshetshi tutakanit tshekuan : atusseun anu etenitakuak mak at tshetshi tshitapatakanit ne tshekuan pemipanit anite katshitapatakanit. Rythme utei eukuannu tshetshi tutaminit kie anu kataku ituteniti auennua.